ಮಂಡ್ಯ ಜಿಲ್ಲೆ ಕೆ.ಆರ್. ಪೇಟೆ ತಾಲೂಕಿನ ಬೂಕನಕೆರೆ ನನ್ನೂರು. ಮೈಸೂರಿನಲ್ಲಿ ಪತ್ರಕರ್ತನಾಗಿ ವೃತ್ತಿ ಆರಂಭಿಸಿ ಬೆಂಗಳೂರು, ದೆಹಲಿ ಸುತ್ತಿ ಮತ್ತೀಗ ಬೆಂಗಳೂರಿನಲ್ಲೇ ವಾಸ್ತವ್ಯ. ಸಣ್ಣ ಸಂಜೆಪತ್ರಿಕೆ (ನನ್ನ ಪಾಲಿಗೆ ಅದು ದೊಡ್ಡದೇ) ‘ಹಲೋ ಮೈಸೂರು’ ಮೂಲಕ ಕೆಲಸ ಆರಂಭ. ನಂತರ ರಾಜ್ಯಮಟ್ಟದ ಪತ್ರಿಕೆ ‘ಉದಯವಾಣಿ’ಯಲ್ಲಿ ಸಿನಿಮಾ, ಕ್ರೀಡೆ, ಸಾಪ್ತಾಹಿಕ ಪುರವಣಿಗಳಲ್ಲಿ ಕೆಲಸ. ಬಳಿಕ ಹೊಸದು ಬೇಕೆನಿಸಿ ಟಿವಿ ಮಾಧ್ಯಮದ ಕಡೆ ಹೊರಳಿದೆ. ರಾಜಕೀಯ ವರದಿಗಾರಿಕೆ ಮಾಡುತ್ತಾ ಇನ್ನೂ ಏನೋ ಬೇಕೆನಿಸಿದಾಗ ದೆಹಲಿಗೆ ಹೊರಟೆ. ಅದಾದ ಮೇಲೆ ಅದೇ ಟಿವಿಯಲ್ಲಿ ತಂಡ ಮುನ್ನಡೆಸುವ ಕೆಲಸ. ಇಷ್ಟೆಲ್ಲಾ ಆದ ಮೇಲೀಗ ‘ವಾರ್ತಾಭಾರತಿ’ಯಲ್ಲಿ ‘ಆನ್ ರೆಕಾರ್ಡ್’ ಎಂಬ ರಾಜಕೀಯ ಬೆಳವಣಿಗೆಗಳ ಕುರಿತಾದ ಅಂಕಣ ಬರೆಯುತ್ತಿರುವೆ. ಡಿಜಿಟಲ್ ಮಾಧ್ಯಮದಲ್ಲಿ ‘ಬೂಕನಕೆರೆ ಡೈರಿ’ ಆರಂಭಿಸಿರುವೆ.